Forseti bæjarstjórnar lagði til á bæjarstjórnarfundi, í samræmi við umræður á íbúafundi í nóvember s.l., að bæjarstjórn Grindavíkur feli bæjarráði að skipa 5 manna nefnd til að fara yfir búsetumál eldri borgara í Grindavík. Skal nefndin afla gagna til að meta þörf fyrir íbúðir og þjónustu fyrir eldri borgara í bænum til næstu 10 ára, með hliðsjón af íbúaþróun. Nefndin skal framkvæma könnun meðal eldri borgara um búsetuóskir þeirra.
Nefndin skal skila bæjarstjórn þarfagreiningu og tillögum eigi síðar en 1. apríl 2014. Starfsmaður nefndarinnar er sviðsstjóri félagsþjónustu- og fræðslusviðs.