Börnin í Stjörnuhóp á heilsuleikskólanum Króki hitta eldri borgara í Miðgarði reglulega yfir skólaárið. Í desember buðu börnin vinum sínum í Miðgarði til sín í leikskólann í piparkökubakstur. Hópurinn hnoðaði og skar út piparkökur og hjálpuðust allir að.
Þegar kökurnar komu úr ofninum voru þær borðaðar með heitu súkkulaði og rjóma. Hér skapaðist nokkurs konar kaffihúsastemning þar sem mikið var spjallað og hlegið. Það er gaman að sjá hvað börnin og eldri borgarar njóta þessara samvista eins og myndirnar sýna.