Grindavíkurbær gefur sig út fyrir að vera íþróttabær og á flestum að vera ljóst að það er réttnefni fyrir bæinn. Hér er öflugt íþróttalíf og góður árangur hefur náðst á undanförnum árum í nokkrum íþróttagreinum. Þegar rætt er um menninguna í Grindavík koma orðin sjávarútvegur og íþróttir efst í huga ansi margra og bærinn gjarnan tengdur við þetta tvennt.
Grindavíkurbær hefur stutt dyggilega við bakið á íþróttahreyfingunni á undanförnum árum bæði er varðar uppbyggingu á íþróttamannvirkjum og eins með fjárhagslegum stuðningi við hið innra starf. T.d. hefur stuðningur Grindavíkurbæjar við barna- og ungmennastarf íþróttahreyfingarinnar vakið töluverða athygli á landsvísu og er nánast einsdæmi að börn og ungmenni getið iðkað allt að 5 - 6 íþróttagreinar og foreldrar þeirra aðeins greitt rúmlega 20.000 kr. í æfingagjöld fyrir það á ársgrundvelli.
Þrátt fyrir þetta hefur að mati núverandi meirihluta bæjarstjórnar vantaði upp á hið faglega starf er lýtur að því að íþróttahreyfingin viti hvert hún er að stefna. Af þeim sökum var sett inn í samning Grindvíkurbæjar við íþróttahreyfinguna 2011 að hún mótaði sér stefnu til framtíðar og sett yrðu skýr markmið um starfsemina.
Í mars 2013 var haldinn sameiginlegur fundur með fulltrúum íþróttahreyfingarinnar (UMFG, GG og Brimfaxa) og fulltrúum bæjaryfirvalda með það að markmiði að komast að sameiginlegum markmiðum og hvert skal stefna í íþróttamálum í Grindavík. Fundinum stýrðu aðilar fá ráðgjafarfyrirtækinu Netspor.
Í upphafi fundar fóru fundarmenn í stöðugreiningu m.t.t. íþróttatengdra málefna. Samkvæmt þeirri greiningu er staða íþróttahreyfingarinnar almennt séð góð. Í Grindavík eru tvær afgerandi og öflugar íþróttagreinar, knattspyrna og körfuknattleikur, og aðrar minni en vaxandi íþróttagreinar eins og tae-kwondo, golf, fimleikar, júdó, sund og hestamennska. Annað sem kom fram var m.a.:
- vantar meiri áherslur á íþróttaskóla fyrir yngstu börnin og ekki nægilega skýrt skipulag á íþróttastarfi fyrir leikskólabörn.
- vantar meira framboð af íþróttum fyrir eldri borgara.
- góð þátttaka í stjórnum deilda og félaga.
- vantar meira utanumhald og stefnu er varðar þátttöku 15 ára og eldri og hvernig hægt sé að bregðast við brottfalli ungmenna úr íþrótta-starfinu á þessum aldri.
- vantar meira utanumhald fyrir almenningsíþróttir og þátttöku almennings í íþróttum. Skapast það að hluta til vegna aðstöðuleysis.
- metnaður og fagmennska er í þjálfun hjá flestum deildum/félögum.
- vantar fleiri sjálfboðaliða svo starfið vaxi.
- ágætis aðstaða er fyrir flestar deildar.
- vantar meiri samvinnu á milli deilda. Þörf er á auknu samstarfi innan UMFG, vinna þarf sem eitt félag.
- góð almenn þátttaka barna.
- mjög ódýrt að stunda íþróttir.
- gott afreksstarf.
- vantar leiðarljós fyrir starfið í heild sinni.
Þegar búið var að fara í þessa greiningarvinnu var farið að huga að framtíðarsýninni og hvernig íþróttastarfið gæti litið út í Grindavík árið 2020. Verkefni voru skilgreind og þeim skipt niður í flokka;
• verkefni sem hægt væri að setja strax í gang og árangur geti náðst tiltölulega fjótt,
• verkefni sem gætu farið strax í gang og skilað árangri á næstu 1 - 5 árum
• og loks verkefni sem gætu skilað árangri síðar.
Forgangsröðun
Verkefnum var svo forgangsraðað í fimm megin þætti; innra starf, aðstaða, samstarf, fjármál og fjölbreytni. Niðurstaðan var þessi;
- Innra starf
o Metnaður verði aukinn, góðir þjálfarar styðji árangur og faglegt starf. Slíkt minnkar brottfall og eykur almenna þátttöku.
o Ráða íþróttafulltrúa.
o Efla innra starf, menntun þjálfara, þátttöku bæjarbúa í starfinu og í almennum íþróttum.
o Öll félög verði lögaðilar í félagsstarfi og um leið verða þau sýnileg og trúverðulegri.
o Efla heimasíðu UMFG og gera hana skilvirkari.
- Aðstaða
o Aðstaða til íþróttaiðkunnar sé viðunandi fyrir allar greinar.
o Bæta þarf almenna aðstöðu/mannvirki allra félaga.
o Fullkomin íþróttamannvirki efli iðkendur og almenning.
- Samstarf
o Aukið samstarf allra.
o Fara þarf út í skýra stefnumótun - efla innra starf deilda - vinna sem ein heild. Allir gulir og glaðir.
o Auka þarf skilning og upplýsa bæjarbúa um mikilvægi öflugs íþróttastarfs.
- Fjármál
o Fjárhagsaðstaða frá Grindavíkurbæ til deilda UMFG.
- Fjölbreytni
o Fjölbreytt barna og unglingastarf sem stuðlar að sem lengstri þátttöku.
o Stofna almenningsíþróttadeild til að auka þátttöku almennings í hreyfingu og heilsusamlegu líferni.
- Aðrar hugmyndir sem komu fram
o Færa mannvirki í betra horf þannig að allar deildir rúmist innan þeirra.
o Fjölga iðkendum í öllum aldurshópum og koma í veg fyrir brottfall.
o Sameiginlegt leiðarljós og markmið fyrir íþróttasamstarf í bænum.
o Klára uppbyggingu íþróttamannvirkja.
o Efla Íþróttasamstarf leikskólabarna og fram-haldsskólanema ásamt því að minnka brottfall og útrýma einelti og viðhalda lágum sameiginlegum æfingagjöldum.
o Gott samstarf milli deilda verði áfram og verði enn meira.
o Öflugur stuðningur bæjaryfirvalda og fyrirtækja.
o Aukið foreldra og forvarnastarf.
Í hópastarfi var komið með tillögur að aðgerðum (aðgerðaáætlun) í þeim þáttum sem flokkuð voru mikilvægust:
a) Ráða íþróttafulltrúa.
Samhæfa faglegt starf deilda.
Halda utan um íþróttaskóla og
leikjanámskeið.
Afrekshópar.
Framkvæmd: Bærinn leggi til fjármagn vegna ráðningar íþróttafulltrúa.
Hvenær: Strax.
b) Aukið samstarf.
Framkvæmd: Gert með reglulegum samráðsfundum, skipulögðum af íþróttafulltrúa.
Hvenær: Strax.
c) Gera íþróttanámskrá.
Framkvæmd: Íþróttafulltrúi í samráði við þjálfara viðkomandi deilda.
Hvenær: Gerist sem allra fyrst.
2. Aðstaða
Aðgerðir:
Byggja nýtt íþróttahús.
Bæta aðstöðu við Hópið.
Líkamsrækt.
Innisundlaug.
Göngu- og reiðstígar.
Framkvæmd: Bæjaryfirvöld í samráði við íþróttahreyfinguna.
Hvenær: Uppbygging þarf að hefjast strax.
3. Samstarf
a) Auka samstarf allra deilda.
Hvernig: Halda sameiginlega fundi (stjórn UMFG).
Framkvæmd: Að allir séu samstíga í jákvæðum málflutningi út á við, það smitar frá sér.
Hvenær: Setja þetta strax í framkvæmd.
b) Upplýsingaflæði.
Hvernig: Heimasíða virk, jafnvel frétta-bréf.
Framkvæmd: Aðalstjórn UMFG ætti að halda utan um og virkja foreldra, þjálf-ara og stuðningsmenn í fréttaöflun.
Hvenær: Koma í framkvæmd sem fyrst.
c) Allir í sama liðinu.
Hvernig: Ráða íþróttafulltrúa.
Framkvæmd: Grindavíkurbær /aðalstjórn á að sjá um það.
Hvenær: Koma sem fyrst í framkvæmd.
4. Fjármál
a) Finna sanngjarna dreifingu fjár.
Hvernig: Íþróttafélögin framkvæmi þarfagreininguna sem fyrst. Framkvæmd: Félögin.
Hvenær: Sem fyrst.
b) Meira fé.
Hvernig: Fá aukið fjármagn frá skattgreiðendum, bæjarstjórn, styrkir, félags og æfingagjöld (íþróttafélögin). Framkvæmd: Félögin.
Hvenær: Þetta þarf að vera gert stöðugt.
c) Ábyrgur rekstur íþróttafélaga.
Faglegt sameiginlegt bókhald. Langtíma markmið í rekstri. Sækja um sem fyrirmyndarfélag til ÍSÍ.
Framkvæmd: Félögin eru ábyrg fyrir þessu.
Hvenær: Sem fyrst.
5. Fjölbreytni
a) Barna og íþróttastarf - Kynna vel í leikskólum og skólum bæjarins
Hvernig: Fara með fyrirmyndir í skóla: Hvert félag/deild - helst í samstarfi .
Hvenær: Strax.
b) Samstarf skóla og íþróttafélaga. Skoða áhuga á svipuðu fyrirkomulagi og Afturelding fyrir yngstu börnin.
Hvernig: Félögin, bæjaryfirvöld og skólinn skoða samstarfsmöguleika og áhuga foreldra.
Framkvæmd: UMFG og bæjaryfirvöld.
Hvenær: Strax.
c) Marka stefnu fyrir unglingastarf. Hvað gerist við 16 ára aldurinn?
Hvernig: Gert með því að félögin,
bæjaryfirvöld og skólinn skoða samstarfsmöguleika og áhuga foreldra. Framkvæmd: UMFG og bæjaryfirvöld ábyrg fyrir þessu.
Hvenær: Gerast strax.
d) Stofna almenningsíþróttadeild.
Hvernig: Með því að auglýsa og leita eftir áhugasömu fólki.
Framkvæmd: Aðalstjórn UMFG í samstarfi við íþróttafulltrúa, sé hann til staðar.
Hvenær: Strax.
e) Bætt aðstaða fyrir almenningsíþróttir.
Hvernig: Bæjaryfirvöld í samstarfi við nýstofnaða deild.
Framkvæmd: Samstarf bæjarins og hagsmunaaðila.
Hvenær: Jafnt og þétt næstu árin
f) Kynning - ná til fólks og fræðsla.
Hvernig: Með ný stofnaðri deild, ef til vill styrkir, heimasíða bæjarins o.fl.
Framkvæmd: Ný stofnuð deild
Hvenær: Í framhaldi af stofnun
almenningsíþróttadeildar.