Fiskeldi á 1. hluta iðnaðarsvæðis- Grindavík ásamt umhverfisskýrslu. - Bæjarstjórn Grindavíkur auglýsir hér með tillögu að deiliskipulagi fiskeldis á 1. hluta iðnaðarsvæðis I5 ásamt umhverfisskýrslu, skv. 41. gr. skipulagslaga nr. 123/2010 og 7. gr. laga um umhverfismat áætlana. Tillagan var samþykkt til auglýsingar á fundi sveitarstjórnar þann 29. október 2013. Forkynning tillögunnar fór fram frá 20. september - 1. október 2013.
Stærð skipulagssvæðisins er um 15 ha. Vestanverð deiliskipulagsmörk liggja að golfvelli golfklúbbs Grindavíkur og sunnanvert að Nesvegi (425). Skipulagið nær um 300 metra norður frá veginum. Að austanverðu afmarkast svæðið af fyrirhuguðum vegi og affallslögn HS Orku sem mun liggja um iðnaðarsvæðið. Aðkoma að svæðinu verður um veg meðfram affallslögn HS Orku.
Deiliskipulagstillagan er í samræmi við Aðalskipulag Grindavíkur 2010-2030.
Tillagan verður til sýnis á skrifstofum Skipulagsstofnunar og Grindavíkurbæjar Víkurbraut 62, 240 Grindavík og einnig hér að neðan frá og með 31. október 2013 til 13. janúar 2014.
Þeir sem telja sig eiga hagsmuna að gæta er gefinn kostur á að gera athugasemdir við tillöguna. Skriflegum athugasemdum skal skila á bæjarskrifstofu Grindavíkur, Víkurbraut 62, 240 Grindavík eða á netfangiðarmann@grindavik.is eigi síðar en 13. janúar 2014.
Þeir sem ekki gera athugasemdir innan tilskilins frests, teljast samþykkir tillögunni.
Ármann Halldórsson
Sviðsstjóri Skipulags- og umhverfissviðs Grindavíkurbæjar.
Uppdráttur og greinargerð með umhverfisskýrslu