Dagur íslenskrar tungu þann 16. nóvember hefur fest sig í sessi í skólanum og samfélaginu öllu. Á öllum stigum var verið að leika sér með ástkæra ylhýra.
Í 2. bekk í Hópsskóla var fegursta orðið fundið og útskýrt, farið var á ferð um bæinn með ljóðaflutning á „Buxur, vesti, brók og skó“ eftir Jónas Hallgrímsson og voru vegfarendur beðnir um að kvitta fyrir að hafa hlustað á börnin. Flestir komu við hjá Diddu og Telmu í Skólaselinu en þær buðu upp á andlitsmálun í tilefni dagsins. Skemmtilegt var að Ísland var að fara að keppa við Króatíu rétt eins og í dag og því margir klæddir í blátt í tilefni dagsins.