Grindavíkurbær sigraði lið Vestmannaeyja í spurningakeppni sveitarfélaganna, Útsvari. Lokatölur voru 65-64 en Grindavík tryggði sér sigurinn með því að svara 15 stiga spurningu í blálokin um grísk-rómverska glímu. Rétta svarið var Búlgaría og fagnaði Grindavík sigri.
Bæði lið mættu galvösk í sjónvarpssal Rúv þetta föstudagskvöldið og var keppnin æsispennandi frá upphafi til enda.
Agnar Steinarsson, Ragnheiður G. Eyjólfsdóttir og Siggeir Fannar Ævarsson skipuðu lið Grindavíkur.