Sitkagreni að Borgarhrauni 18 tré ársins

• Fréttir
• 6. september 2013

Við afhendingu Umhverfisverðlauna Grindavíkurbæjar í gær var í fyrsta skipti veitt verðlaun fyrir fallegasta tré ársins á vegum Skógræktarfélags Grindavíkur.  Fyrir valinu varð 35 ára sitkagreni að Borgarhrauni 18 sem sjá má á myndinni. Eigendur eru Ólína S. Ólafsdóttir og Sigurbjörn Smári Gylfason. 

Við verðlaunaafhendinga sagði Ólína að tréð hefði verið farið að láta verulega á sjá. Þau hefðu hins vegar ákveðið að klippa neðan af trénu og við það hefði það tekið vel við sér og skartað sínu fegursta í sumar.

Fram kom að trjáræktun í Grindavík er vel möguleg eins og dæmin sanna. Slíkt krefst talsverðrar vinnu en flestar tegundir dafna með ágætum.

Ólína og Pálmar Örn Guðmundsson frá Skógræktarfélaginu sem afhenti viðurkenninguna.

• Síðast uppfært: 6. september 2013