Dagana 12. – 15. ágúst næstkomandi mun Codland í samvinnu með Íslenska sjávarklasanum og Grindavíkurbæ vera með vinnuskóla í Grindavík um sjávarútveginn. Undirbúningur gengur vel og þátttaka til fyrirmyndar.
Codland vinnuskólinn mun fræða nemendur á efstu stigum grunnskóla, fæddir árin 1998 og 1999, um íslenskan sjávarútveg, fara í vettvangsferðir og vinna verkefni sem tengjast nýsköpun sjávariðnaðarins. Munu fjölmörg fyritæki veita nemendum innsýn í sína starfsemi, þar á meðal má nefna Þorbjörn, Vísi, Stakkavík, Stjörnufisk og Veiðafæraþjónustuna í Grindavík.
Markmið Codland vinnuskólans er að efla áhuga ungra námsmanna á sjávarútveignum og sýna nemendum þau víðfeðmu árhif sem hann hefur á okkar samfélag.
Enn eru nokkur laus pláss og geta áhugasamir kynnt sér skólann á vef Codlands, codland.is/vinnuskolinn. Einnig er hægt að hafa samband á netfangið vinnuskolinn@codland.is
Nánari upplýsingar um Codland vinnuskólann veitir Heiðdís Skarphéðinsdóttir á netfanginu heiddis@sjavarklasinn.is eða í síma 697 4809