Í frétt Viðskiptablaðsins 11. júlí kemur fram að af 74 sveitarfélögum á Íslandi leggja níu sveitarfélög ekki á hámarksútsvar árið 2013. Grindavíkurbær er í þeim hópi og er annað af tveimur sveitarfélögum sem lækkaði útsvarsprósentuna á árinu 2013. Hitt er Seltjarnarnesbær.
Sveitarfélögum ber að taka ákvörðun um álagningarhlutfall útsvars fyrir hvert ár og er heimilt að ákvarða hlutfallið á bilinu 12,44% til 14,48%.
Flest sveitarfélög á Íslandi, 65 talsins, leggja á hámarksútsvar. Grindavíkurbær, Seltjarnarnes, Garðabær, Skorradalshreppur, Hvalfjarðarsveit, Tjörneshreppur, Fljótsdalshreppur og Ásahreppur nýta sér heimild til að hafa útsvarið lægra.
Aðeins tvö sveitarfélög, Skorradalshreppur og Ásahreppur, leggja á lágmarksútsvar, 12,44%, og aðeins Grindavík og Seltjarnarnes, lækkuðu útsvar sitt um áramótin.
Í Grindavík lækkaði útsvarið úr 14,48% í 14,28% og á Seltjarnarnesi lækkaði útsvarið úr 14,18% í 13,66%. Meðalútsvar á árinu 2013 er samkvæmt ákvörðunum sveitarfélaga 14,42% samanborið við 14,44% á árinu 2012. Það lækkar því um 0,02% á milli ára.
Heimild: Viðskiptablaðið 11. júlí 2013.