Nemendur á miðstigi, sem eru í 5.-7. bekk grunnskólans, héldu árshátíð sína í gær.
Undanfarnar vikur höfðu nemendur lagt mikla vinnu á sig við að semja og æfa skemmtiatriði, hanna leikmyndir og búninga til að hátíðin yrði sem glæsilegust. Skemmtiatriði voru af ýmsum toga, allt frá hljóðfæraeinleik upp í atriði úr frægum söngleikjum. Það mátti sjá einbeitingu skína úr andlitum nemendanna þegar þeir léku sín hlutverk af hjartans list. Húsfyllir varð og þeir gestir sem á horfðu, skemmtu sér konunglega.
Myndaveislu á heimasíðunni má sjá hér: http://www.grindavik.is/?i=7&s=992
Einnig má sjá myndaveislu á heimasíðu skólans: http://skolinn.grindavik.is/myndir/0809/skolinn/arshatidmidstigsins/slides/P1010017.html