Þessa dagana býður MSS í Grindavík upp á námskeiðið Leikjaforritun fyrir 7-16 ára. Þátttaka er góð en drengir eru þar í miklum meirihluta.
Á námskeiðinu fá þátttakendur kennslu og innsýn í möguleika tækninnar á skemmtilegan og áhugaverðan máta en námskeiðið er haldið í samvinnu við Skema. Kennslan byggir á leikjaforritun auk þess sem fléttað er inn í kennsluna hugarkortum og flæðiritum við hönnun leikjanna. Notast er við þrívíddar-forritunarumhverfi sem heitir Alice.