Veðrið hefur oft verið betra á árlegri Vorgleði Grunnskólans í Grindavík en í dag. Þungbúið, skýjað og gengur á með skúrum. Það stöðvar þó ekki að menn ganga til leiks með sól í sinni og færðu nánast alla dagskrána inn í skólann. Settar voru upp golfbrautir, húlahringir dregnir fram og teflt af miklum móð.
Að þessu sinni rennur dagskrá Vorgleðinnar inn í hátíðina okkar í Grindavík, Sjóarann síkáta, og er hluti af henni.
Hvað um það. Fjöldi manns var mættur í upphafi gleðinnar og var ekki annað að sjá en dagskráin væri fjölbreytt og við hæfi hvers og eins.