Vinnudagur Skógræktarfélags Grindavíkur var í Selskógi í gær. Fjöldi fólks mætti í Selskóg með stjórn Skógræktarfélagsins, bæjarstjóra, formann bæjarráðs og forseta bæjarstjórnar ásamt Páli Gíslasyni gröfumanni í broddi fylkingar en verkstjórar voru Sarka Mrnakova George Hollanders.
Sett voru upp náttúruleg leiktæki en efniviður úr skóginum sjálfum, tré sem voru grisjuð, voru notuð í leiktækin. Verkið gekk vel enda samtakamáttur þeirra sem mættu mikill og vinnugleðin skein úr hverju andliti. Vel tókst til og er verkið langt komið.
Er ljóst að með tilkomu Ingibjargarstígar, frá Grindavík og í Selskóg, stígagerð almennt í Grindavík og nú síðast uppbygging í Selskógi, munu Grindvíkingar nýta sér útivistarmöguleika í Selskógi mun meira í framtíðinni.
Hér má sjá nokkrar myndir frá þessu skemmtilega degi í Selskógi.