Örfáir miðar eftir - Skilaboð til þeirra sem ætla í Röstina

• Íþróttafréttir
• 28. apríl 2013

Nú er stóri dagurinn runninn upp. Tekst  Grindavík að vinna Íslandsmeistaratitilinn annað árið í röð, í þriðja sinn í sögu félagsins og í fyrsta sinn á heimavelli? Úrslitaleikur Grindavíkur og Stjörnunnar hefst kl. 19:15. Forsala aðgöngumiða gengur vel og eru fáir miðar eftir. Þeir miðar sem eftir eru verða seldir í Salthúsinu í dag, sunnudag, frá og með kl. 14:00. Grindvíkingar eru einnig beðnir að athuga eftirfarandi:

• Upphitun í Salthúsinu í dag. Fyrstu hamborgararnir á grillinu á Salthúsinu verða tilbúnir kl. 16:00.
• Að sjálfsögðu mæta allir Grindvíkignar í gulu á leikinn.
• Húsið opnar kl. 18:15. Vinsamlegast mætið tímanlega. Röðum okkar þétt og snyrtilega í húsið svo allir komist fyrir!

Svo höldum við uppi góðri söngstemmningu allan tímann og hvetjum okkar menn til dáða!

Áfram Grindavík!

• Síðast uppfært: 28. apríl 2013