Brynjar Þórarinsson hefur verið ráðinn umsjónarmaður fasteigna bæjarins. Hann er 55 ára og kemur frá Njarðvík og hefur fjölþætta menntun sem iðnaðarmaður úr Tækniskólanum. Hann hefur m.a. starfað sem iðnaðarmaður í Noregi undanfarin ár, unnið sem verkefnastjóri við verklegar framkvæmdir, vann hjá Varnarliðinu og Íslenskum aðalverktökum á sínum tíma.
Verkefni Brynjars hjá Grindavíkurbæ felast í því að vera umsjónarmaður fasteigna bæjarins, áætlunargerð og skipulagning, ýmis viðhaldsvinna innan stofnana bæjarins og öll tilfallandi störf í Þjónustumiðstöð.