Laus staða í Heilsuleikskólanum Króki

• Fréttir
• 14. mars 2013

Heilsuleikskólinn Krókur auglýsir eftir aðstoðarmatráði í eldhúsi frá 1. apríl. Viðkomandi aðstoðar við öll störf sem tilheyra eldhúsi. Hann þarf að geta unnið sjálfstætt og gengið í störf matráðs.

Heilsuleikskólinn Krókur er fjögra deilda leikskóli með um 100 börn. Í stefnu skólans er lögð áhersla á heilsueflingu, frjálsan leik, umhverfismennt og jákvæð samskipti með áherslu á umhyggjusamt námsumhverfi.

Í heilsustefnunni er unnið eftir markmiðum Landlæknisembættisins varðandi næringu samkvæmt Handbók um leikskólaeldhús. Í vetur hefur farið fram ítarlegt endurmat á fæði skólans í samráði við næringarfræðing þar sem markmiðið er að bjóða upp á næringarríkan og rétt samsettan mat sem hentar börnum sem eru að stækka og þroskast.

Í leikskólanum okkar leggjum við ríka áherslu á jákvæðan skólabrag og öflugt lærdómssamfélag þar sem samvinna og gleði ríkir og því leitum við að samstarfsfólki sem:

• Er tilbúið að tileinka sér starfsaðferðir leikskólans.
• Hefur áhuga á heilsueflingu, umhverfismennt og umhyggjusömum samskiptum.
• Er tilbúið að taka þátt í öflugri starfsþróun.
• Er stundvíst, samviskusamt og leggur sig fram um að velja sér jákvæð viðhorf í dagsins önn.

Karlmenn jafnt sem kvenmenn eru hvattir til að sækja um.
Áhugasamir geta lagt inn umsókn á heimasíðu leikskólans http://www.leikskolinn.is/krokur/ undir Leikskólinn - Starfsumsókn.

Upplýsingar gefur Hulda Jóhannsdóttir leikskólastjóri,  sími 426-9998.

• Síðast uppfært: 14. mars 2013