Bæjarstjórn Grindavíkur hyggst hefja skipulagsvinnu fyrir Gamla bæinn í Grindavík og býður bæjarbúum að taka þátt í umræðum til að móta hugmyndir og forsendur fyrir þá vinnu. Hugmyndasmiðjan verður haldin í Hópsskóla laugardaginn 16. mars nk. frá kl. 11-13, boðið verður til opinnar umræðu um hvernig hægt er að auka veg og virðingu elsta hluta Grindavíkur. Athugið að það þarf að skrá sig á fundinn á www.grindavik.is/gamlibaerinn í síðasta lagi á morgun 14. mars
Hugmyndasmiðjan býður upp á að allir geti á auðveldan og skemmtilegan hátt tekið þátt og komið sjónarmiðum sínum á framfæri.
Meðal spurninga eru: Hvar liggur gamli bærinn í Grindavík og hvernig vilja bæjarbúar sjá gamla bæinn?
Umsjón með fundinum verður í höndum EFLU verkfræðistofu.
Bæjarstjórn hvetur íbúa Grindavíkur að mæta og taka þannig þátt í mótun og varðveislu gamla bæjarins.
Boðið verður upp á léttar veitingar í hléi.
Skráning á Hugmyndasmiðjuna hér.