Kökubasar Þórkötlu á föstudag

• Fréttir
• 20. febrúar 2013

Slysavarnadeildin Þórkatla verður með kökubasar í verslunarmiðstöðinni föstudaginn 22. febrúar n.k. frá kl. 13-18. Þórkötlur athugið að tekið er á móti kökum frá kl. 12.30. Ágætu Grindvíkingar! Konudagurinn er næsta sunnudag og því upplagt að koma við hjá okkur, styrkja Þórkötlur og björgunarsveitina og kaupa eitthvað gott bakkelsi handa ástinni þinni ♥!

Konudagur er fyrsti dagur Góu, sem er sunnudagurinn í 8. viku vetrar. Rétt eins og fyrsti dagurinn í Þorra er bóndadagurinn. Þann dag minntust bændur og eiginmenn húsfreyjunnar með þvi að fagna góu, sem færir með sér vaxandi birtu og vorinnganginn. Konudaginn ber ávallt upp á sunnudag.

• Síðast uppfært: 20. febrúar 2013