Slökun og vellíðan í Fjölsmiðju

• Fréttir
• 27. janúar 2013

Vellíðan, nudd og slökun var viðfangsefni í Fjölsmiðjunni nú á dögunum. En þá kom í heimsókn til okkar nuddarinn Eyrún Helgadóttir. Eyrún fór yfir grunnatriði í nuddi, talaði um réttar líkamsstöður og mikilvægi þess að bera sig vel. Hún leyfði nemendum að prófa að nudda hendur sínar með sérstakri blöndu af olíu, jurtum og salti. Mæltist það vel fyrir og voru allir slakir og silkimjúkir eftir þennan nudd-tíma!
Eins og komið hefur fram er lagt upp úr því í fjölsmiðjunni að skapa notalegt andrúmsloft þar sem alls kyns viðfangsefni eiga heima. Foreldrar, ömmur, afar og aðrir velunnarar eru ávallt velkomnir. Úti í samfélaginu okkar býr mannauður sem við viljum svo gjarnan njóta hér í skólanum okkar.

• Síðast uppfært: 27. janúar 2013