Metár hjá Bláa Lóninu

• Fréttir
• 14. febrúar 2007

Síðasta ár var metár hjá Bláa lóninu í Svartsengi. Gestir voru samtals 384.000 talsins á árinu 2006 á móti 350.000 gestum árið áður og jókst gestafjölinn því um 34.000 gesti á milli ára.

Nú er unnið að miklum breytingum á húsnæði og aðstöðu Bláa lónsins og á þeim framkvæmdum að ljúka í sumar. Magnea Guðmundsdóttir, kynningarstjóri Bláa lónsins, segir breytingarnar ekki vera gerðar til að fjölga gestum, heldur að auka þægindi þeirra og gera upplifunina í Bláa lóninu eftirminnilegri og að gestir njóti þess sem Bláa lónið hefur upp á að bjóða.

• Síðast uppfært: 14. febrúar 2007