Sævar Baldursson var kosinn nýr formaður Ferðamálasamtaka Suðurnesja á fjölmennum aðalfundi samtakanna í síðustu viku. Hann tekur við af Kristjáni Pálssyni. Þá var kjörin ný stjórn en hana skipa:
Brynhildur Kristjánsdóttir í Vitanum Sandgerði, Sigurbjörn Sigurðsson í Kaffi Dus, Bjarni Geir Bjarnason frá Upplifum Reykjanes, Hartmann Kárason frá Bláa lóninu sem einnig sat áður í stjórn, og Þorsteinn Gunnarsson frá Upplifðu Grindavík. Þá tilnefna SSS einnig einn aðila í stjórn. Þetta kemur fram í Víkurfréttum.
Fram kom á fundinum að Ferðamálasamtök Suðurnesja, Markaðsstofa Suðurnesja og Heklan-Atvinnuþróunarfélag Suðurnesja, hafa skrifað undir viljayfirlýsingu þar sem fram kemur að Heklan yfirtekur Markaðsstofu Suðurnesja frá og með 1. janúar n.k.