Grindavikurstelpur unnu sinn fyrsta sigur í úrvalsdeildinni í körfubolta með því að leggja Fjölni að vella með 5 stiga mun, 79 stigum gegn 73. Nýr bandarískur leikmaður liðsins, Crystal Smith, átti sannkallaðan stórleik og skoraði 37 stig.
Sem kunnugt er hætti Bragi Magnússon sem þjálfari liðsins í gær. Ellert Magnússon stýrði Grindavíkurstelpum í kvöld sem sýndu mikinn baráttuanda og tókst að knýja fram sigur. Grindavík hafði 5 stiga forskot í hálfleik. Lokaspretturinn var æsispennandi en þar reyndust okkar stúlkur sterkari.
Berglind Anna Magnúsdóttir skoraði 10 stig fyrir Grindavík, Harpa Hallgrímsdóttir 10, Petrúnella Skúladóttir 9, Helga Hallgrímsdóttir 7 og aðrar minna.