Endurrit dóms Hæstaréttar vegna landamerkja jarða á Vatnsleysuströnd annarsvegar og Hrauns og Krýsuvíkur í Grindavík hinsvegar var lagt fram í bæjarráði. Þar kemur fram að hæstiréttur staðfesti dóm héraðsdóms. Landamerki Hrauns og Krísuvíkur standa því óhreyfð.
Hæstiréttur felldi niður málskostnað bæði í héraði og fyrir Hæstarétti, en Grindavíkurbær hefur borið ábyrgð á kostnaði vegna lands Krýsuvíkur sem er í eigu Héraðsnefndar Suðurnesja.
Bæjarráð felur bæjarstjóra að fara fram á endurgreiðslu þess kostnaðar frá Héraðsnefndinni.