Hrappur GK 6 nýjasti bátur Grindavíkurflotans

• Fréttir
• 18. október 2012

Nýjasti bátur Grindavíkurflotans, Hrappur GK 6, var sjósettur í Grindavík gær. Þetta er svokallaður Sómabátur af tegundinni 990, tæp 8 brúttótonn, rétt tæpir 10 metrar á lengd, 2,60 m á breidd og dýpt er 1.23 m. Aðalvél er Volvo Penta 296, 1 kw.

Báturinn er smíðaður hjá Bláfelli ehf. í Reykjanesbæ. Eigandi og skipstjóri er Jóhann Guðfinnsson í Grindavík sem hefur gert út Hrapp GK 120 síðustu ár.

Myndirnar tók Arnfinnur Antonsson, starfsmaður Grindavíkurhafnar en þarna má sjá þegar Hrappur GK 6 var prófaður í höfninni í gær eftir sjósetninguna.

• Síðast uppfært: 18. október 2012