Í kvöld, þriðjudaginn 16. október kl. 20:00, verða veglegir afmælistónleikar Tónlistarskólans í Grindavík haldnir í Grindavíkurkirkju. Tónlistarskólinn fagnar 40 ára afmæli sínu með tónleikum og veislu í safnaðarheimilinu að tónleikum loknum.
Á tónleikunum koma fram lengra komnir nemendur ásamt því að kennarar flytja valin lög, bæði einir, saman og með nemendum.
Tónleikadagskráin tekur um 60 mínútur og að henni lokinni verður boðið upp á kaffi í safnaðarheimilinu.
Allir eru hjartanlega velkomnir og kostar ekkert inn á tónleikana.