Kvikan

  • Frístunda og menningarmál
  • 18. mars 2009

 

 

 

 

KVIKAN - Auðlinda- og menningarhús
Hafnargata 12 a
240 Grindavík
Sími 420 1190 / 420 1100
kvikan@grindavik.is
www.grindavik.is/kvikan

Opið er frá kl. 10:00-17:00 alla daga vikunnar frá 15. maí til 15. september.

Yfir vetrartímann, þ.e. frá 16. september til 14. maí er opið laugardaga og sunnudaga frá kl. 11:00 - 17:00.

Athugið! Tekið á móti stærri hópum aðra daga samkvæmt pöntunum.

Upplýsingamiðstöð ferðamanna í Grindavík er í Kvikunni og veitir hún almennar upplýsingar fyrir ferðamenn.

Hér má sjá glæsilegan bækling um Kvikuna.

Ný heimasíða, www.kvikan.com, er væntanleg vorið 2012.

Í Kviku eru tvær glæsilegar sýningar sem Björn G. Björnsson leikmyndahönnuður sá um að hanna:

 

 

Sýningunni JARÐORKU er ætlað að fræða gesti um undirstöðuatriði íslenskrar jarðsögu og jarðfræði, skýra á einfaldan hátt eðli jarðhita, eldvirkni og jarðskjálfta.

Á Íslandi eru einstök skilyrði til að sjá og rannsaka flest sem varðar jarðfræði, eldvirkni og jarðhita því að landið er ungt og enn í mótun. Segja má að Ísland sé gluggi inn í fortíðina en jafnframt framtíðina.  Hér á Íslandi eru stærstu jöklar og þar með jökulár Evrópu, mestu há- og lághitasvæðin, óvenjumikil eld- og jarðskjálftavirkni auk stórbrotinnar náttúru.

JARÐORKU er ætlað að varpa nokkru ljósi á þessa þætti um leið og hún skýrir fyrir gestum hvernig orkan í iðrum jarðar er beisluð til að hita upp þúsundir heimila á Suðurnesjum og sjá íbúum þeirra fyrir fersku drykkjarvatni og nokkurri raforku að auki.

Á sýningunni eru 18 fræðslukassar með eftirfarandi þema:
1 Land í mótun
2 Sjór og eldur takast á
3 Ísland verður til
4 Jörðinni má líkja við egg
5 Plötumörk á jarðskorpunni
6 Jarðskjálftalíkan
7 Virka eldgosabeltið
8 Jarðskjálftar á Íslandi
9 Eldgos eru tíð á Reykjanesi
10 Sprungugos eru algengust á Íslandi
11 Aldur jarðar
12 Jökull yfir Skandinavíu
13 Ísland var suðræn paradís...
14 Rannsóknir og vísindi
15 Orka sótt í iður jarðar
16 Borað eftir heitu vatni
17 Orkuverið í Svartsengi
18 Bláa lónið

Sýningin er sett upp í samstarfi við HS Orku.

Saga saltfiskverkunar á Íslandi þar sem fléttast inn í saga sjómennsku, þróun skipa, veiða og vinnslu, frá lokum hefðbundinnar verbúðarmennsku til þessa dags. 

Sýningin Saltfisksetrið er ljóslifandi saga sjómennsku. Hún er mjög forvitnileg fyrir erlenda ferðamenn, fróðleg fyrir skólafólk sem getur hér kynnt sér mikilvægasta atvinnuveginn og  ánægjuleg fyrir hinn almenna Íslending sem fer í helgarbíltúr með fjölskylduna.

Grindvíkingar hafa löngu verið drjúgir við
saltfiskinn og sýning um sögu verkunar og sölu á saltfiski og þýðingu hans fyrir þjóðarbúið í gegn um tíðina á því vel heima í Grindavík.

Sýningin Saltfisksetrið var opnuð árið 2002. Saga salfisksins er sögð með stórum myndum, hnitmiðuðum texta og lýsandi munum. Mörkuð er ákveðin leið í gegnum sýninguna og sagan þannig rakin í tímaröð. Möl er á gólfi og leikmyndir af húsum frá ýmsum tímabilum sem skapa sérstaka og eftirminnilega upplifun.

Ekkert var sparað til að gera sýninguna sem glæsilegasta enda hefur hún vakið mikla athygli. Grindavíkurbær var leiðandi aðili við byggingu setursins í samstarfi við stofnendur þess og aðra styrktaraðila í bænum.

Björn G. Björnsson sýningarhönnuður sá um hönnun og uppsetningu beggja sýninganna í Kvikunni.

Deildu ţessari frétt

AĐRAR SÍĐUR

Söfn og menningarstofnanir


Nýjustu fréttir

Öskudagsfjör í Hópsskóla

  • Grunnskólinn
  • 19. febrúar 2018

Útgáfuveisla í 2. bekk

  • Grunnskólinn
  • 19. febrúar 2018

112 dagurinn á Laut

  • Laut
  • 15. febrúar 2018

Dagur tónlistarskólanna 24. febrúar 2018 milli kl. 14:00 og 16:00

  • Fréttir frá Tónlistarskólanum
  • 15. febrúar 2018

Ný vefsíđa Grindavíkurbćjar í loftiđ

  • Fréttir
  • 14. febrúar 2018

Matseđill nćstu viku í Víđihlíđ

  • Fréttir
  • 14. febrúar 2018