Lestrarsprettur er hafinn hjá nemendum í 1.-3. bekk í Hópsskóla. Yfirheitið er indjánar og eiga nemendur að vera duglegir að lesa heima á hverjum degi. Fyrir hverja bók sem nemandi les fær hann fjöður. Á hana skrifar hann heiti bókar og eigið nafn. Fjöðurin er svo límd á indjána sem hefur komið sér vel fyrir í skólanum. Hver bekkur fékk ákveðið ættbálkaheiti og hafa þeir skreytt dyraskiltin sín með snilldarbrag.
Áherslurnar eru misjafnar eftir árgöngum en í 1. bekk er lögð áhersla á að foreldrar lesi fyrir börnin sín en í 2. og 3. bekk vinna nemendur í því að auka leshraða sinn.