Nú er ljóst að Útsvarsmeistarar Grindavíkur mæta Hafnarfirði í 1. umferð Útsvars á RÚV föstudaginn 5. október kl. 20:30. Grindavík teflir fram sama liði sem bar sigur úr bítum í vor með eftirminnilegum hætti. Liðið skipa þau Agnar Steinarsson, Daníel Pálmason og Margrét Pálsdóttir.
Þeir sem vilja vera gestir í sjónvarpssal í beinni útsendingu Útsvars geta sent tölvupóst á heimasidan@grindavik.is og skráð nöfn þeirra sem ætla að mæta.
Allar ábendingar um skemmtilegar gjafir til andstæðinga Grindavíkur eru einnig vel þegnar á sama netfang!