Bættar almenningssamgöngur til Grindavíkur

• Fréttir
• 19. september 2012

Nýtt samgöngukort fyrir sveitarfélögin á Suðurnesjum verður kynnt á næstu dögum. Boðið verður upp á þrjár fastar ferðir til Grindavíkur á virkum dögum og verður fjöldi ferða til Grindavíkur endurskoðaður áramótin með tilliti til reynslunnar sem þá verður komin. Ferðunum mun fjölga næsta vor en samningurinn gildir í eitt ár.

Með þessari útgáfu eru almenningssamgöngur á svæðinu efldar til muna en samkvæmt samkomulagi við VMST verður boðið upp á sex ferðir í flugstöðina og á atvinnusvæði í vetur.

Tímatöflur og leiðakort sem sent verður til allra heimila á Suðurnesjum næstu daga gildir til áramóta eða þar til annað verður ákveðið. Mikil gerjun er í samgöngumálum á Suðurnesjum þar sem sveitarfélögin eiga gott samstarf og stefnir í verulegar bætur og fjölgun ferða á öllu svæðinu á næsta ári.

Samband sveitarfélaga á Suðurnesjum þakkar VMST samstarfið og vonar að það verði til að fjölga atvinnutækifærum og minnka atvinnuleysi á svæðinu, segir í tilkynningu.

• Síðast uppfært: 19. september 2012