Það var sannkölluð bongó blíða í dag þegar vorhátíð Grunnskóla Grindavíkur var haldin. Nemendur og foreldrar fjölmenntu og tóku þátt í fjölmörgum uppákomum sem starfsmenn skólans höfðu skipulagt. Meðal annars var spilað strandblak, bakað brauð utanhúss, andlit voru máluð, spilaður fóbolti, dansað, sungið og margt fleira. 4.bekkingar héldu tombólu til styrktar Rauða Krossinum og seldu fjöldan allan af miðum.
Foreldrafélagið grillaði pylsur ofan í gesti og mæltist það vel fyrir. Hér fyrir neðan má sjá fjölmargar myndir frá deginum.