Grunnskóli Grindavíkur

Flottur útivistarhópur
Flottur útivistarhópur

Fyrsti bekkur fer í smiðjur 2 x í viku í klukkutíma í senn. Smiðjurnar sem boðið er uppá eru; myndmennt, textilmennt, tæknimennt, hér og nú, útivist og tölvur. Útivistarhópurinn stóð sig verulega vel í vikunni. Þau fóru út í hraun, þar fundu þau stóra ruslatunnu sem var fyllt með rusli sem þau fundu. Börnin voru alveg gáttuð á því hvað mikið væri af rusli í öllum gjótum í hrauninu.  

Þau fundu einnig lokið af ruslatunnunni hennar Tótu kennara þeirra en það hafði fokið út í hraun um daginn. Farið var með allt rusl heim til Tótu og sett í ruslatunnuna þar því svo heppilega vildi til að ruslabíllinn var þennan sama daga að koma og taka rusl. 

Börnin fundu einnig stóran frisbý disk úti í hrauni sem var merktur og gátu þau farið með hann á rétt heimili og skilað. Þeim fannst það mjög spennandi.