Undanfarin ár höfum við í Lautinni í samstarfi við fjölskyldur nemenda okkar staðið fyrir lestarátaki á haustin og vorin. Undanfarin tvö ár höfum við safnað fjársjóðsteinum fyrir hana Línu langsokk, en fyrir hverja lesna bók fengu börnin að velja sér einn fjársjóðsstein og settu í fjársjóðskistuna hennar Línu.
En þetta haustið var komið að honum Lubba en við vinnum einmitt mikið með bókina „Lubbi finnur málbein“ og ýmist kennsluefni tengt þeirri bók ásamt ýmsu heimagerðu leik- og námsefni. Nú þurftu börnin að hjálpa Lubba að safna málbeinum í hundaskálina sína, en við skrifuðum stafi á hundakex sem er eins og bein og fyrir hverja bók sem lesin var heima eða í leikskólanum gátu börnin valið sér málbein og gefið honum Lubba.
Það verður að segjast eins og er að niðurstöðurnar voru mjög góðar og enn eitt árið var mikil aukning á milli ára, vel gert kæru nemendur! Haustið 2016 voru lesnar samtals 1362 bækur en haustið 2017 voru lesnar 1758 bækur, sem aukning um heilar 396 bækur, eða rétt tæp 30%!
Svo eitt að lokum ef að ykkur vantar hugmynd af jólagjöfum fyrir börnin ykkar þá mælum við með bókinni Lubbi finnur málbein.