Heilsugćsla

Heilsugæslan í Grindavík er til húsa á Víkurbraut 62, 2. hæð.
Tímapantanir hjá heilsugæslulæknum eru í síma 422-0750.
Opnunartími er frá kl. 08:00 til 16:00 virka daga .
Panta þarf símatíma frá kl.08:00 til 15:30 daglega.

Helgar,- kvöld- og næturþjónusta er hjá Heilbrigðisstofnun Suðurnesja í síma 422 0500 .
Móttökuritarar: Kolbrún Guðmundsdóttir og Unnur Heiða Halldórsdóttir
Yfirhjúkrunarfræðingur er Laufey S. Birgisdóttir.
Hjúkrunarfræðingur er Kolbrún Jóhannsdóttir.
Ljósmóðir er Margrét Knútsdóttir.
Heimasíða Heilbrigðisstofnunar Suðurnesja: www.hss.is

Læknaþjónusta:
Heilsugæslulæknar veita alla almenna læknaþjónustu. Við stöðina starfa nokkrir sérfræðingar í heimilislækningum.
Læknaritari er Sigrún Jónsdóttir.

Sérfræðiþjónusta:
Barnalæknar: Sigurður Björnsson kemur alla fimmtudaga fyrir hádegi.

Rannsóknir:
Blóðprufur eru teknar á fimmtudögum frá kl. 8:30 til 10:30. Á sama tíma er einnig hægt að skila þvagsýnum. 

Hægt er að fara í blóðprufur og með þvagsýni alla virka daga í HSS í Reykjanesbæ frá kl. 08:00-12:00.


Almenn hjúkrunarþjónusta:
Við heilsugæsluna starfa tveir hjúkrunarfræðingar og ljósmóðir í tveimur stöðugildum. Hjúkrunarfræðingar sinna almennri hjúkrunarþjónustu á stöðinni s.s. sáraskiptingum, blóðþrýstingsmælingum, ónæmisaðgerðum og lyfjagjöfum. Hjúkrunarfræðingar og ljósmóðir skipuleggja og annast mæðra- og ungbarnaeftirlit, skólaheilsugæslu og starfsmannaheilsuvernd í samvinnu við heilsugæslulækna. Einnig sinna þeir margvíslegri fræðslu og ráðgjöf tengdri heilsuvernd.

Mæðraeftirlit:
Ljósmóðir/hjúkrunarfræðingur sér um reglubundnar skoðanir á verðandi mæðrum og veitir þeim fræðslu og ráðgjöf. Námskeið fyrir verðandi foreldra eru haldin reglulega á vegum mæðraverndar HSS í Reykjanesbæ.
Allar þungaðar konur búsettar í Grindavík eru velkomnar í mæðraeftirlit. Æskilegt er að konur komi í læknisskoðun 10 - 12 vikum eftir síðustu blæðingar.

Öllum þunguðum konum er boðin ómskoðun á 18. - 19. viku og 34. viku meðgöngu. Ef þörf er á sérfræðiáliti lækna eru slíkar skoðanir framkvæmdar á Heilbrigðisstofnun Suðurnesja Reykjanesbæ af sérfræðingum í fæðinga- og kvensjúkdómum. Eftirskoðun fer fram 6 - 8 vikum eftir fæðingu. Margrét Knútsdóttir annast mæðravernd.

Ungbarnaeftirlit:
Sigurður Björnsson barnalæknir annast almenna ungbarnavernd. Í ungbarnaeftirliti er fylgst með vexti og þroska barna frá fæðingu til skólaaldurs og foreldrar fá fjölbreytta fræðslu og ráðgjöf. Hjúkrunarfræðingar vitja foreldra og barns fyrstu vikurnar eftir fæðingu. Skoðanir og ónæmisaðgerðir í ungbarnaeftirliti eru í samvinnu við heilsugæslulækna og barnalækna.

Heimahjúkrun:
Heimahjúkrun er á vegum Heilbrigðisstofnunar Suðurnesja. Starfsmenn hennar koma úr Víðihlíð. Markmið heimahjúkrunar er að gera skjólstæðingum kleift að dveljast heima eins lengi og unnt er miðað við heilsufar og félagslegar aðstæður.
Heimahjúkrun er skipulögð í náinni samvinnu við skjólstæðinginn, aðstandendur hans og aðra þjónustuaðila. Hjúkrunarfræðingar koma í fyrstu vitjun og meta hjúkrunarþörfina.
Hjúkrunarfræðingar og sjúkraliðar heimahjúkrunar annast síðan alla þá hjúkrun, líkamlega og andlega sem við á og hægt er að framkvæma við þær aðstæður sem heimilið og/eða annar aðbúnaður býður upp á.
Heimahjúkrun er veitt alla daga, kvöld- og helgarþjónusta er eftir þörfum, og mati heimahjúkrunar.

Skólaheilsugæsla:
Markmið skólaheilsugæslu er að stuðla að því að skólabörn fái að þroskast við þau bestu líkamlegu, andlegu og félagslegu skilyrði sem völ er á.
Helstu verkefni hjúkrunarfræðinga innan grunnskóla eru:
- Skipulag og framkvæmd reglubundinna heilsufarsathugana og ónæmisaðgerða í samvinnu við heilsugæslulækna.
- Almenn heilbrigðisfræðsla og ráðgjöf um heilsuvernd.
- Stuðningur við börn með sértæk vandamál.
- Smáslysaþjónusta.
- Umsjón með lyfjagjöfum nemenda á skólatíma.
- Eftirlit með aðbúnaði nemenda.

Einn grunnskóli er innan svæðis heilsugæslunnar í tveimur sofnunum og er heildarfjöldi nemenda yfir 500. Skólahjúkrunarfræðingur er Kolbrún Jóhannsdóttir.

Heilsugæslan í Grindavík hefur náið samstarf við félagsmálayfirvöld Grindavíkurbæjar.

Sjúkraþjálfun: Inga Tirone er starfandi á staðnum. Upplýsingar og tímapantanir í síma 426-7155

Tannlæknir:
Guðmundur Pálsson, sími: 426-7321. Opið alla virka daga frá kl. 08:00 - 17:00

Veitt er almenn tannlæknaþjónustu s.s. tannfyllingar, krónu- og brúarsmíði, heilgóma- og partagerð.

Grindavík.is fótur