Helgina 10. - 13. mars verður Björg Árnadóttir, rithöfundur og fullorðinsfræðari með námskeið ætlað þeim sem vilja auka ritfærni sína og skrifa skáldskap. Námskeiðið er fyrir fólk á öllum aldri sem vill skrifa sögur, þarf aðstoð við að byrja að skrifa, vantar innblástur en er vant að skrifa og fólk sem finnst skemmtilegt að skapa í skemmtilegum hópi.
Þeir sem sótt hafa námskeið Bjargar láta einkar vel af og eru ánægðir með þær framfarir sem þeir hafa sýnt þessa daga sem námskeiðið varir. Margvíslegar kveikjur eru notaðar til að koma hugmyndafluginu af stað en sérstaklega er unnið með persónusköpun, uppbyggingu og framvindu skáldverks.
Námskeiðið er haldið í Bókasafninu og þátttökugjald er 15.000 kr.
Tímasetningar eru eftirfarandi:
Föstudagur 10. mars - 18:00-22:00
Laugardagur 11. mars - 10:00-14:00
Sunnudagur 12 mars - 10:00-14:00
Þeir sem vilja vera með á þessu skemmtilega og gefandi námskeiði þurfa að skrá sig fyrir 10. mars á netföngin andrea@grindavik.is eða bjorg@grindavik.is.
Björg Árnadóttir, rithöfundur og fullorðinsfræðari sér um námskeiðið.